افتحي قلبك*** بقلم عبد الستار جلال

إفتحي قلبك٠
إفتحي قلبك للحب
إفتحي قلبك لهوايا
ومدي إيدك للدنيا
مدي إيدك ويايا
نحلم ببكره دا يجينا
أفرح أنا وإنتي معايا
ونعيش سوا العمر بحاله
أنا فرحتك وإنتي هنايا٠
إفتحي قلبك للحب
إفتحي قلبك للأفراح
نعيش حياه كلها فرح
ننسي الألم ننسي الجراح
وتدوب قلوبنا من الحب
ومن أسي الدنيا نرتاح
نبتدي دنيا جديده
نحقق أمالنا وننسي اللي راح
إفتحي قلبك للدنيا
وعيشي أيامها ولياليها
إتمتعي بسحر جمالها
إتمتعي بكل ما فيها
ولوتتبسمي للدنيا هتلاقيها
أيام جميله وليها معني
راح تفرحي إنتي بمعانيها٠
٠بقلمي٠عبدالستار جلال٠