زن قلاب*** بقلم مبروك علوة

( زمن قلاب )

أه يا زمن قلاب ف لحظه تتغير
شيلتني الهموم ارحمنى انا صغير
ليه ترميني للجرح وتسيبني اتحير
القلب اتملا بالحزن والفرح قصير

من كتر ظلمك ليا مش قادر اتحمل
ضاعت منى أحلامي وعلي فين راح أكمل
الصاحب ف سيرتى يطعن وقدامي يتجمل
مرسوم ع وشه الطيبه من غدره تتأمل

من كتر جرحك فيا رافض ومش راضى
والظلم فيك طبع وكل شئ عادى
ف الفرح مليش نصيب وقلبى منه فاضى
بتحب تبدع ف جرحي بشويش وع الهادي

العيشه فيك صعبه وطعمها مليان مر
كاتب عليا الحزن يوم ورا يوم بيمر
محدش عاد يصلح الكل يحب يضر
مليان بآلام وعذاب ولا حاجه فيك تسر

☆☆☆☆☆☆☆☆☆☆؛

مبروك علوه