ف ذكري الخال ( الإبنودي )**الشاعر / شعبان مكي شاعر عامية

ف ذكري الخال ( الإبنودي )
21 / 4 / 2015 
................................
عدي ع فراقك سنة يا خال
كان كلامك و لا 100 موال
بيحكي الحال و يشكي الحال
لسه سيرتك يا خال ع البال
كنت أنت صوتنا و ضحكتنا
كنت رئتنا و شمعتنا
ب كلامك بتمسح دمعتنا
كنت الشجرة اللي بتضلل علينا
كنت لينا أنت الشط و المينا
بعد طول السفر و الترحال
فين صوتك اللي كان كله
فرح و هموم
من حمل الوطن مزحوم
من هم الوطن مهموم
فين فين صوتك
اللي كان ب حبيبته بلده
مفتون و موهوم
اللي كان ب كل أه ليها ملحوم
اللي من كل خاين كان مصدوم
فين صوتك اللي كان طالع م القلب
مليان شوق و ود و حب
جوانا عرف يعيش و يدوم
فين قلمك اللي كان سما ب نجوم
صوتك لسه بيسري ف ودانا لحد اليوم
كنت صوت الغلابة و الجياع
صوت الفقرا بالإجماع
كنت الرد و الصد للرعاع
كنت م قبلي نواحينا
ع فراقك الصعيد حزينة
هتوحشنا يا خالنا و أخينا
كله حدانا عليك حزانا
عارفين إنك رحت و ما هتعود
يا إبن الصعيد و ( إبنود )
بس هنفضل نقولها
ع قد حياتنا بطولها
وحشتنا و هتوحشنا
دوام الحال م المحال
طول ما إحنا عايشين
هنفتكرك و ندعيلك
الله يرحمك يا خال
( عبد الرحمن الإبنودي )
................................... ف 22 / 4 / 2016
من صفحة الشاعر / شعبان مكي شاعر عامية