***** مهما تكون الغربه ***** بقلم الشاعر المصري \ عــــــادل الشـــــــهـــابى

***** مهما تكون الغربه *****
مهما تكون الغربه وخدانى .....
ومهما أكون عايش وحدانى ...
عايشه يا مصر فى وجدانى ...
يا حب أبدى ملوش تانى ....
يا عشق وأمتلاك ربانى ...
يالى فيكى بنيت كيانى ...
يالى سامعك بتقولى مين يقدر ينسانى ...
ده أنتى الآم اللى بتسهرى علشانى ...
وأنتى اللى من أديا للخير وخدانى ...
مهما أتغرب والف بلاد ...
وتطول بينا مسافات البعاد ...
قلبى نابض بأسمك يا أم البلاد ...
بصبح عليكى وأوصيكى على الولاد ...
مهما نتغرب ليكى تانى راجعين ...
يا دفى وطيبه يا شوق وحنين ...
وحشنا يا غاليه عطر الطين ...
وحشتنا ميت نيلك يا أم الصابرين ..
وحشنى سلام أهلك الطيبين ...
والله ليكى يا مصر كتير مشتاقين ...
مهما كانت ظروفك صعبه هنتحمل ...
نقع نتعب ولكن هنقوم ونكمل ...
تموتى لالالا مش ممكن ابدأ اتخيل ...
والله وأنا بعيد عنك أنا فيكى ...
بدمى وروحى يا مصر والله أفديكى ...
وبدعى من ربنا يحافظ عليكى ويحميكى ....
نعيش بره نتغرب لكن مرجوعنا ليكى ....
يا رب أشوف الفرحه دايما فى عنيكى ...
وتنتصرى يا مصر على مين يعاديكى ...
وعينى ما تدمعشى أبدا يوم عليكى ....
وياخد من عمرى يا مصر ويديكى ...
ومهما تكون الغربه وخدانى ...
ومهما أكون عايش وحدانى ....
دايما يا مصر عايشه فى وجدانى ....

,,,,,,,,,,,,,,,,,,,,,,,,,,,,,,,,,,,,,,,,,,,,,,,

بقلــــــم: عــــــادل الشـــــــهـــابى