اسف *****بقلم سيد عبد الوهاب

أسِف

أسِف جداً إنى جرَحتِك
عارف إنى كُنت أنانى
عارف إنى بإيدى دَبَحتِك
عارِف إنك كنتِ عشَانى
دلوَقتِى باترَجّى سمَاحتِك
أسف ...مش هاجرح تانى
أسِف كلمة تحكِى حكايه
كلمه بتوصِف إيه جُوَّايا
يمكن تِحيى تانى هَوايا
وعشان كده أنا صارحتِك
أسف جداً إنى جرَحتِك
أسِف دمعه بتِحكى كتير
دمعه حقيقه مش تزوير
أسف كلمه مَالهَا كبير
باتأسّف سامحينى برَاحتِك
أسف جداً إنى جرَحتِك
أسِف حتَّى لو متأخَر
نَدمِى عليكِ عَمَّال يكبر
أيوه باندَم أكتر واكتَر
أسِف إنى بقَلمى مسَحتِك
أسف جداً إنى جرحتِك
كنت فاكرها لعبه عَبِيطه
كنت فاكرها دمعه بسِيطه
فاكر قلبك سِكّه حويطَه
أسف جداً إنى جرحتك
عارف إنى بإيدى دبحتك
بقلم / سيد عبدالوهاب