قلب اسير **** بقلم عادل الشهابي

قلب أسير
قفص حديد فيه قلب أسير ..
قلب كان على حبيبته بيغير ...
قلب فى الحب كان كله ضمير ...
يا ناس بقيت أبكى من أجله ...
بسأل مين فى يوم هيفك اسره ..
ومين يستحق أسيبه أمانه عنده ..
سجنوك يا قلبى وضيعوا المفتاح ...
ملحقتش فى يوم تهدى و ترتاح ..
ليه يا قلبى نصيبك دايما جراح ...
يا قلبى أصبر أكيد فى يوم ...
تفرح وتزول عنك الهموم ...
وتتهنى بأحلامك وتشوف النــوم ..
قلب بيصرخ وكله آلام ...
تعب يا ناس من كتر الكلام ..
يا قلبى أهدى أنا حاسس بيك ...
لو بأيدى كنت بكنوز الدنيا اشتريك ..
وآخد من عمرى يا قلبى وأديك ..
يا قلبى اهدى ابوس أديك ...
مهما يسجنوك فى أقفاص الحديد ..
عن النبض يا قلبى مش راح تكون بعيد ..
يا قلبى بلاش تكون حزين ....
بلاش تفرح فيك اللايمين ...
وأنتى خفى يا دموع العين ..
بكره الفرحه اكيد جايه ...
وأيامك تكون ورديه ...
وتتهنى يا قلبى أنت وهيه ..
قفص حديد فيه قلب أسير ..
قلب كان على حبيبته بيغير ..
بقلــــم: عــــــادل الشـــــهــابى