حلمنا المنشود****بقلم مبروك علوه

(حلمنا المنشود)

كل يوم عاملين مظاهره
كتمتوا انفسنا بالزحام
ليه تضيعوا الوطن
وتقولوا عايزين السلام

بلدنا مش كلمه ف ورق
حبها مش مجرد كلام
حط إيدك جوا أيدي
خلينا نطلعوا للأمام

خلوا الحق لينا شعار
نزلوا علي الظلم الستار
بلاش نقتل باسم الدين
الاسلام دين آمان و عمار

ليه كل يوم تقتلوا أولادنا
ليه تدمرو فلذة كبدنا
أرحمونا بقى يا أسيادنا
كفايه ذل واستعمار

ليه بتقتلوا في الجنود
هما دول أمن الحدود
ليه تموتوا جوانا الصمود
وتضيعوا حلمنا المنشود

ليه ترصوا ف طريقنا حواجز
وتملوا حياتنا بالسدود
اهتفوا اقتلوا احرقوا دمروا
نزلوا دموعنا على الخدود
.....................................
مبروك علوه