☆(رباعيات في حب مصر )☆ الشاعر مبروك علوه

☆(رباعيات في حب مصر )☆

مصر يا أمي يا نور العيون
حبك في قلبي كأنه جنون
ترابك مسك يا غاليه علينا
ياساكنه قلوبنا وجوه الجفون

.....................................؛
مصر يا أمي يا سفينه
وسط البحر بتجري بينا
ف ظلام الليل نورك بيضوي
وبيرسم ملامح الأمل فينا

.....................................؛

مصر يا أمي يا بهيه
كنتى للخاينين تكيه
جات ثوره من بعد ثوره
كانت ليهم ضربه قويه

.....................................؛

مصر يا أمي يا مجد البلاد
يا نبض القلب يا عشق الفؤاد
لو ابعد عنك أتوه في الدنيا
احسك جوايا مطقش البعاد

.....................................؛

مصر يا أمي يا علم ومناره
تاريخك منقوش علي الحجاره
خطى ف ترابك الخليل وساره
وموسى وعيسى يا رمز الحضاره

.....................................؛

مصر يا أمي يا نوارة البلاد
نبينا اوصي بالخير فى جنودك
ذكرك الإله فى أعظم آيات
الصعب يهون من أجل وجودك

.....................................؛

مصر يا أمي يابلد الكنانه
يا أعظم اسم في الوجود
يابدر ساطع نوره ف سمانا
حبي ليكي فاق الحدود

.....................................؛

مبروك علوه