عمر الورد \\\ بقلم الشاعر \\\محمدعبدالرحيم

عمر الورد

..........

مع السلامة يا أصفى 
ضحكة سمعتها ..
مع السلامة يا أغلى 
دمعة عرفتها ..
يا أدفى حضن إداني 
عمره ما مرة خد ..
يا قلب أجمل بس 
عمره قد عمر الورد ..
يا كل دول وأكتر 
شوية ..
ياحبيبتي أغلى الناس 
علية ..
دي مش دموع 
إللي في عينيا 
وإللي جارحة الخد ..
مع السلامة

..........

مافاتش لسة يادوب 
دقايق ..
ونستيني في دنيا 
مرة ..
سبتيني مرة ويمكن 
أكتر ..
بس دي غير أي مرة ..
معقول كدا تفارقيني 
ماتخليش لقلبي 
أي حاجة ..
معقول كدا ما الحقش 
أودع ياحبيبتي 
فيكي حاجة ..
طب بس كنتي 
إديني فرصة إني 
أشوفك اودعك ..
أملا عينيا بصورتك
أعرف ..
من دموعك أسمعك

..........
قوليلي ليه 
واخداني مني وفات
رجوعي ..
مش قادر أتكلم 
ويسكت حزن فية ..
دا كل ما انطق 
كلمة بتكمل دموعي

..........

يا ادفى حضن إداني 
عمره ما مرة خد ..
ياقلب أجمل بس
عمره قد عمر الورد ..
ياكل دول وأكتر 
شوية ..
ياحبيبتي أغلى 
الناس علية ..
دي مش دموع إللي 
في عينيا 
وإللي جارحة الخد ..
مع السلامة

..........

مع السلامة ..لكن أكيد هنتقابل تاني
بس في عالم تاني .. مع السلامة 
محمدعبدالرحيم