بلد**** بقلم حسن المصري

بلد .....
وش الكدب فيها عريان
مكشوف
الحق فيها صوتة واطى
شمس الحياة على طول
ف لحظة كسوف
برقع الخشا مكشوف
والوش لابس ف القفا
بلدنا شجرة حب ناشفة
بلدنا صفحة لسة فاضية
والقلم فيها مقصوف
بلد بتتكسر فيها الحروف
الاسم فيها هو دايما
اسمى انا
بس محزوف
بلد تاهت فيها الاسامى
البشر فيها حتة حتة
الايدين متقطعة
من المعصم حتى الكفوف
الناس من بدرى قديمة
محطوطة جوة بترينة
الناس مرصوصة بس زينة
ع الرفوف

صبحت القبضة مخالب من حديد
والشجرة محتاجة لساقية
لاجل تتطرح من جديد
البلد بتحرق ف السنابل
بتطرح ف الدمامل

عمالة تنزف صديد