(وهم العروبة)......... بقلم الشاعر \عبد الله السايح

(وهم العروبة).........
والحرب مكتوبة
الله يرحمك ياعروبة
ماتت وعزينا
وهي مطلوبة
ويوم مابان الحمل
الحمل كان طوبة
سنين في بطن الأم
ونوبة ورا نوبة
سرطان وكان الهم
في الحمل مصلوبة
كان الوجع كاليم
سنين ومحسوبة
سرطان وراضع سم
ع الأمر مغلوبه
طول عمرها تهتم
ع الأخوة بعقوبة
لو قلنا يوم تتلم
حكامنا مرعوبة
عايشه في وسط الدم
ديما في غيبوبة
يشوفها ولاد العم
لها ناب وحبوبة
وأحنا اللي فيها نزم
شايفنها بصعوبة
بيها العراق تتخم
تزرعها في الروبة
ويموت معاها الحلم
والفجر كركوبة
لكن تشوف الظلم
قوانين ومكتوبة
دم العرب في الطين
عرض العرب خيبة
حكام لكن ملاعين
بيصدروا الريبة
أولاد صلاح الدين
دي الوقتي ألعوبة
خايف تكون حطين
تبان لي أكذوبة
حلب بتدفع دين
وعينيها معصوبة
منصوب عشانها كمين
أطفالها مطلوبة
ملعون أبو القوانين
علينا أعجوبة
قول لي بتنفع مين?
ومين صابه غيبوبة؟
تحرق قلوب ملايين
بقانون وله عذوبة
ع الغرب عمره آمين
وعلينا منصوبة
سنين كتير شايفين
موازين ومقلوبة
خليكوا ياعرب نايمين
ولونوا الصورة
خلوا الودان من طين
والعمر فزورة
حكام ومحكومين
ماهمهم شورى
.......(شعر)......ّّ
عبد الله السايح