،،،،،،(جنون في جنون)،،،،،،،،،،، بقلم الشاعر الراقي \ عبد الله السايح

،،،،،،(جنون في جنون)،،،،،،،،،،،
جنون في جنون وايه يعني
عشقت الجن وخدعني
في حبه كان يلوعني
وكل مرة يمنعني
عشان حبيته يرميني
م الشمس أخدت تسبيله
وقمر الليل على نجيله
نجوم كانت بتدعيله
يكون عاقل في ترتيله
رفض بجنونه يحميني
بحبه وقلبي نور ليله
وطول الليل أغني له
بعيني أعيش في تكحيله
ولحظة حب أعطي له
في نفس اللحظة يكويني
سألته ليه زعل مني
حروف مجنونه تصدمني
قلوب ملعونه تألمني
عيون معصوبة تهزمني
يسود ليلي في سينيني
ويبعد والله مااعرف ليه
يهد حب كان يبنيه
ملاك يبقى في لحظه سفيه
خرب راسي وقلبي في تيه
ورافض حتى يعاتبني
فتحت قلم وكراس
ضربت اخماس في اسداس
ومنجل جبته بمقاس
على قلبي قلبت مداس
مفيش أسباب بقى تعيبني
رفعت كرامتي تبقى شعار 
بعدت وقلت مش بهزار
هجيت الحب في الاشعار
طلع حبه ملهش قرار
بيحب عشان يعذبني
كرهت الحب وجنونه
حرقت بإيدي في عيونه
أهون عنده يهون كونه
نزعت لوني من لونه
ولو مايه بتتعبني
،،،،،،،،،،(شعر)،،،،،،،،،،،،
 بقلم الشاعر \\ عبد الله السايح