ةةة... مذهب ..كليب ...ةةة \\ الشاعر ابراهيم القاضي 2005/5/17

ةةة... مذهب ..كليب ...ةةة
ة ة ة ة ة ة ة ة
مزمز بكل المزمزه..
ليه يا دنيا ..مبوزه.؟
من عمايا وموت غنايا
ولا العرايا..
عاشقين غوايه ..وهزهزه ؟
ةة مزمز ..بكل المزمزه !ةة
كاسات ذنوب ..متلمعين 
ف الفترينات ..معروضين
شمال يمين مياسين ..
بحاجات تشين ..للفنطزه !
ةة مزمز .. بكل المزمزه ! ةة
لبسه الفاتنه ..المفتنه
ماليه بحورنا وبرنا ..
جنيه هيه ..ولا أنا 
العقل راح ف القزقزه..؟!
ةة مزمز .. بكل المزمزه ! ةة
فاتحين ..ضعاره مقنعه
صيتها زاع ..ومسمعه 
هاتوا اللجام والبردعه
للى ماشى بمجدعه ..
تجيله خيبه مربعه.. 
وبلوى ..تامه مطرزه ! ،
ةة مزمز ..بكل المزمزه !ةة
بسنتيانه وبمايوه..
وجلد ساده أو كاروه 
أشتوت يا ساده ..روشوه
غموا الرقابه ..وعرضوه
لاجل الغلابه..يشفوه !
بعقول عجازى . .مأجزه !
ةة مزمز ..بكل المزمزه ! ةة
يا دنيا اتهدى ..دارى حالك 
لا فاكره شافعى ولا مالك
ولا ابن حنبل ..خيالك ..!
مالوش صوره ف جوالك 
وأبو حنيفه إن يوم جالك !
يشبع تريقه ومأوزه ...
ةة مزمز .. بكل المزمزه ! ةة
سرادق واحنا الأموات ،!
أون لاين..تحت السموات
وزباين من غير ..مايوهات
تتمابل ميل الخواجات ..
يركبنا الهم ويبات ..
فى جنازه مفيهاش ..عزا !!
ةة مزمز ..بكل المزمزه ! ةة
فنى ..يا ام التفانين !
من فنك ..هنروح على فين؟
كام فيديو وعبى لنا ..كاسين
خلينا ف الهوى ..طايحين 
لا خميره تخمر ف ..عجين !
ولا نركب خط الصالحين ..
ناكل ونشرب ..عنطظه...!!!
ةة مزمز ..بكل المزمزه ! ةة

الشاعر ابراهيم القاضي 2005/5/17