الحلم يخسر \ بقلم الشاعر \ محمد عبد الرحيم

الحلم يخسر

..........

كان لازم أرفض 
دلوقتي أقابلك 
عشانك إنتي ..
وأدفع لوحدي تمن 
وغالي 
بجد غالي ..
فراق حبيبتي 
وتقولي خاين ..
وتقولي بايع 
وتقولي أكتر ..
بس إن عرفتي 
هتفهميني ..لإني
خايف 
حقيقي خايف ..
عليكي إنتي

..........
خللي إللي جالك 
يقول بحبك 
وقد حبه ..
في عينيكي أغلى 
هوه إللي يقدر ..
حبيبتي يسعد 
هوه إللي أبقى ..
هوه إللي أولى 
من حد تاني 
حاول يجيبلك 
الدنيا ضاعت ..
وكل لحظة 
بتعدي يخسر 
ويعيش محاولة 
دا أنا بخيالي ..
ما أقدرش أحقق
لحظة سعادة ..
أنا بأغاني ..
ولا بأماني 
برسمها ببعد ..
في كل مادة 
يومين وتنسي ..
يومين وتهدي 
وأنا إللي خدت 
منك وياما ..
من النهارده 
ياحبيبتي هدي 
وتقولي خاين ..
وتقولي بايع 
وتقولي أكتر ..
بس إن عرفتي 
هتفهميني ..
لإني خايف 
حقيقي خايف 
والحلم يخسر ..
معاكي إنتي 
..........

وهوه أنا بخيالي ولا 
بأحلامي ..قدرت أعملك 
حاجة .. الوداع ياغالية

محمدعبدالرحيم