السبت، 1 أكتوبر 2016

بياع الذنوب \ بقلم الشاعر سمير ابراهيم زيان

بياع الذنوب
( النص الكامل)
**
بياع الذنوب وباغنى
طول الزمان وبنادى
طلابى بيشتروا منى
أحبابى كتير ياولادى
بياع الذنوب
ياللى ف نفسك حاجه
قرب ونقى بضاعتك
جرب وخدلك حاجه
ادفع هناك على راحتك
بياع الذنوب
عندى خمور تتباع 
بذنوب ريحتها تدوم
وحبوب فجور انواع
لقلوب حياتها غيوم
بياع الذنوب
بياع الذنوب ومافيش
غير نار السعير ويايا
بأغويكم وماتلومونيش
ونفوسكم ملاها هوايا
بياع الذنوب
بياع الذنوب وبنارى
ح اسقيكم بكاس دوار
وأحلى لطعم مرارى
وعقولكم تتوه اشعار
بياع الذنوب
بياع الذنوب ياأهل الله
وخنزب ف كل صلاه
ح يجيلكم بمليون فكره
لضلالك دا كل مناه
بياع الذنوب
كبرك ف قلبك أكسر
بياع الذنوب لو تسجد
يصرخ ويخنس يصغر
وحد وكبر واشهد
محمد رسول الله
**
السبت الأول من أكتوبر 2016م
سمير ابراهيم زيان
مرسلة بواسطة في
التسميات:

ليست هناك تعليقات:

إرسال تعليق

الاشتراك في: تعليقات الرسالة (Atom)