عربون الغرام

*** عربون الغرام
--------------------
سكران انا في الهوي
علي غصن بان قـدُه
نوره في قلبي ضوي
من خـال علـي خـدُه
والقلب داب واشتكي
زعـلان علي صـدُه
نظره ياقلب الحبيب
ولا احـنـا مش قــدُه
قـلبي لقلبـك طبيـب
محافـظ علي وعـدُه
حـُبك سقـاني لهيب
والقـلـب زاد وجـدُه
وشوقي ليك استوي
وزايـد علـي حـَـدُه
عبيره فاح في الهوا
يحمـل إليـــك ودُه
ومعاه تحيه وشوق
مع بـوكـيــه وردُه
ويـارسـول الغـرام
هات لي معاك ردُه
بسمه تعيد اللي كان
وقطفـه من شهـدُه
ودا عربون الغرام
بـوســه عـلـي يـدُه
----[مبروك البنا]----